الشاعر ناصر السمحي

. انتظرتك خلف بابك لين جابك
ما جبرني ل انتظارك من سنيني .

. علميني وش يعوّضني غيابك ؟
اذكري لي شي واحد و اتركيني .

. اقهري صمتي على طاري عتابك
و افتحي موضوع ( يا غالي تبيني ) .

. كل فكره كانت ب حضرة جنابك
ترتجيني .. لا ابيّنها ب بعيني .

. بس ما طاعت عيوني و انتشى بك
كل عرقٍ حرّك الاحساس فيني .

. يا عذابي .. وش بقى لي من عذابك
مت شوق و لا نويتي تذكريني .

. ليت اشمّ الحب من زهرة شبابك
و انتِ اكبر من تلامسها ايديني .

. اكتبي لي حرف و اهديني كتابك
في سطورك يا غرامي احتويني .

. دوّني آخر حكاية .. ما جرى بك
و اسمعي منّي قصيده عن حنيني .

. انتظرتك و ان لفيتي مرحبابك
و ان نويتي بالمفارق علميني .

. يعلم الله ما بغيت الا جوابك
عن سؤالي .. وش بقى بينك و بيني ؟ .

. انتظرتك لين جيتي خلف بابك
ليت خلف الباب مرّه .. تحتريني .

صحح لسانك

صح لسانكك