حبيت أعرض لكم طريقة حلوه و سهله لكيفية عمل الجيلبريك و تحميل سيديا على الآيفون
هذي الطريقه ما تحتاج لـ iTunes و لابتوب .. فقط أيفونك و انترنت و الطريقة مضمونه و انا مجربها
ما عليك الا انك تدخل على هذا الموقع من آيفونك (
[ندعوك للتسجيل في المنتدى أو التعريف بنفسك لمعاينة هذا الرابط]و بيطلعلك صفحه مكتوب فيها (slide to jailbreak)
اسحب السهم إلى اليمين عشان يسويلك الجيلبريك و ينزلك برنامج سيديا على الآيفون
بعد ما يخلص التحميل تلاقي انه برنامج Cydia نزل على الآيفون .. و هني تنتهي طريقة عمل الجيلبريك و تحميل Cydia
باقي طريقة تحميل برنامج installous من سيديا .. و هذي الطريقه تحتاج شوي تركيز
هذا البرنامج مو اجباري تنزله .. بعض الالعاب و البرامج على App store مو ببلاش لازم تدفع عشان تنزلهم .. هذا البرنامج يخليك تنزل أي لعبه أو برنامج موجود على الـ App store بفلوس تنزلها ببلاش
عموما مابي أطول عليكم .. تفضلوا طريقة تحميل برنامج installous :
ادخل على برنامج سيديا .. تلاقي بالشريط اللي تحت مكتوب (manage) ادخل عليه
بعدها ادخل على Sources .. بعدين تلاقي بالزاويه (فوق يمين) مكتوب Edit اضغطها بعدين اضغط على كلمة Add
و بعدها ضيف هذا السورس
[ندعوك للتسجيل في المنتدى أو التعريف بنفسك لمعاينة هذا الرابط]بعد ما يضيف السورس روح على Search و اكتب installous
اختار أول واحد و اضغط على Install .. بعدها بينزلك البرنامج و كل شي تمام في تمام
طريقة استعمال برنامج installous تشبه طريقة استعمال الـ App store بالضبط
خلص الشرح و آسف على الطواله و سامحوني ما حطيت صور لاني لما دزيت الصور من الآيفون إلى الكمبيوتر طلعت الصور وايد صغيره و امتدادها غلط
و بانتظار الردود و ان شاء الله تستفيدون من الموضوع
و أي استفسار عن الموضوع تفضلوا طرحوا جميع أسئلتكم بخصوص الجيلبريك و انا بالخدمة إن شاء الله
اخوكم /ابوخالد111
